Till innehåll på sidan Åtså
Sarek suoddjimpárkka

Gávnnat suoddjimpárkkaj

Boadáldagá gájkka suoddjimpárkajda Laponian li Jåhkåmåhke ja Jielleváre tjoahkkebájkijn.

 

""
Kárttta Sarek. Liberkartor, Stockholm 

Sarek oarjját

Jåvsådittjat Saregij oarjját de Huhttánabájkke l buoremus vuolgádahka. Huhttánij bussa manni Jåhkåmåhkes.

Sijddoädnoråvve l ruvámus gäjnno, valla máhtá aj álgget ietjat manov Huhttánin ja háledit stuoves helikoptermanoj Stáloluoktaj Badjelándan álgátjit ietjat vádtsusáv. 

 

 

 

Väddjagåvvidibme Jåhkåmåhkes Huhttánij, bájkoj 120 kilomehtera, bájkoj 1 tijmav ja 50 minuvta. Stuoreda kártav smájvedum väddjagåvådissaj.

Sarek nuorttat

Jus ájgo mannat Saregij nuorttat de kommunikasjåvnå gávnnuji goappátjagá Jielleváres ja Jåhkåmåhkes.

Jielleváre tågastasjåvnnåj manni moadda tåga bäjvváj. Bussastasjåvnnå l tåga lahkusin.

Jåhkåmåhkes máhttá bussajn mannat Bårjjåsij ja manov joarkket Vägen västerut vedja milta. Vägen västerut vedja milta l aj Gäbnásj (Kebnats) mij la ganudimsadje jus ájgo vádtsát Sáltoluovtas. Máhttelis la aj ganudit Suorván ja buodo baktu vádtset. Dassta ruvva besa Saregij ja jåvsåda Sarek- ja Ähpartjåhkåj avta biejven.

Rijtjemis máná vadnasijn Áhkajavrev ja de dujna l vargga biejve váttsos Saregij.

Hálediddje ja helikopter

Suoddjimpárkajn la máhttelis helikopterijn mannat, ja dájvvalakhálediddjijn giesen Huhttán- Stáloluokta- Rijtjem, ja táksiháledimij säjvvomij suoddjimpárkaj ålggolin.

Háledimsajijs Jielleváren ja Julevun gávnnuji bussadålvudime várijda ja várijs. Bijllalájggim gávnnu gájkka guovddelisbájkijn.

Ienep diededibme gávnnu webbabiele dárogirelak ja ieŋŋgisgielak åsijn.